O'zining haybati va shiddati bilan hayratga soladigan dunyoning go'zal sharsharalari

Tugela sharsharasi Janubiy Afrikada joylashgan bo’lib, qirollik milliy bog’ida joylashgan, kattaligi bo’yicha dunyoda ikkinchi o’rinda turadi. Balandligi – 411 metr.

Bu sharshar Braziliya bilan Argentina chegarasida joylashgan bo’lib, dunyodagi bahaybat sharsharalardan biri hisoblanadi. Aslida Iguasu – bu bir emas, 275 ta sharsharadan tashkil topgan butun bir tizimdir. 

Bu sharshara Kaliforniyada, Yosemiti milliy bog’ida joylashgan. U dunyodagi eng baland sharsharalardan biridir, balandligi – 739 metrga teng. Qiziq joyi shundaki, bu sharshara qishda to’xtaydi, bahor va yozda esa yana shiddat bilan oqishda davom etadi.

Anxel – dunyodagi eng baland sharsharadir. Uning balandligi – 979 metr bo’lib, mashhur Niagara sharsharasidan 15 marta kattadir. Bu sharshara Venesueladagi Kanayma milliy bog’ida joylashgan. Har yili minglab turistlar tabiatning bu mo’jizasini tomosha qilish uchun  mamlakatga tashrif buyuradilar.

Kauai – Gavaya orollarining eng asosiysi bo’lib, 6 mln yillar avval vujudga kelgan. Katta miqdordagi yog’ingarchiliklar tog’larda chuqur kanyonlarga ega bo’lgan sharsharalar  hosil bo’lishiga olib keladi. 

Niagara sharsharasi AQSH ning shimoli-sharqida joylashgan bo’lib, dunyodagi eng shiddatli sharsharadir – bir soniyada 2,8 mlnlitr suv 53 metr balandlikdan tushadi. Minglab turistlar bu tabiat manzarasini tomosha qilish uchun tashrif buyuradilar.

Viktoriya sharsharasi shiningdek AfrikaningGubburlovchi Tutuni degan nom ham olgan. Sababi 108 metr balandlikdan soniyasiga bir necha ming litr suv tepadan tushar ekan, shovqin soladi. Shotlandiyalik tadqiqodchi Devid Livingston bu yerga 1855 yilda tashrif buyurar ekan,sharsharaning go’zalligi va buyukligiga maftun bo’lib, uni qirolicha nomi bilan atagan.

Gokta –  Peruda joylashgan bo’lib, kattaligi bo’yicha dunyoda beshinchi o’rinda turadi. Uning balandligi – 771 metr. Ajab, bunday sharshar borligi 2005 yilda ma’lum bo’ldi,ungacha esa uning manzarasiga mahalliy aborigenlargina mahliyo bo’lganlar.

Yangi Zelandiyada Sazerlend nomli sharhsara bor. U Janubiy orolda joylashgan bo’lib, dunyoning eng go’zal va mo’jizakor sharsharasi hisoblanadi. Unga yetib borish juda mushkul, biroq bu shunga arziydi. Yashil daraxtzorlar bilan o’ralgan 580 metr balandlikdagi qoyalardan tushayotgan ingizchka suv oqimi fantastik manzarani beradi.

Islandiyadagi Dettifos sharsharasi – Yevropadagi eng shiddatlidir. Uning balandligi 40 metr, tezligi esa soniyasiga 200 kub metr.Ushbu sharshara go’zal qoyalar, tog’ daralari va ko’llar bilan o’ralgan bo’lib,mahalliy aholi hamda sayyohlar orasida birdek mashhur.

Inga sharsharasi Kongodagi mashhur Livingston sharsharalari tarkibiga kiradi. U dunyodagi eng shiddsatli sharsharalardan biridir. Uning balandligi – 96 metr.

Royoviki sharsharasi Norvegiyaning Shibotn shahrida joylashgan. Bu shahar o’zining astrofizik obsevatoriyasi bilan mashhur bo’lib,bu observatoriya dunyodagi eng shimoliy observatoriya hisoblanadi.

Chjenchjutan sharsharasi Xitoydagi Tsyuchjaygou qo’riqxonasida joylashgan bo’lib, o’zining ko’rinishi bilan odamni o’ziga mahliyo etadi.Qoyalar tepasiga yo’’laklar bo’lib, sharshara ular bilan to’qnashganda ko’plab mayda sharsharalarga bo’linadi hamda shiddat bilan pastga tushadi.

Muzlab qolgan Rido sharsharasi Kanadaning Ottava shahrida joylashgan. Bu sharsharaga 1613 yilda Samuel de Shamplen nom bergan. Ubu sharsharani osilib turgan pardaga o’xshatgan (Rideau – fransuzchasiga “parda”).Keyinchalik  bu sharshara sharafiga Rido daryosi ham shunday atalib, undan keyin esa Ottavadagi boshqa ob’yektlar hamshu nomni olganlar.