To’qlik indeksi: semirtirmaydigan, cho’chimasdan bemalol iste’mol qilish mumkin bo’lgan mahsulotlar

*Katta hajm. Ozuqa mahsulotlari ko’p miqdorda suv yoki havoga ega bo’lsa, inson kaloriyasi ko’paymagan holda to’yadi.

*Oqsil uglevod va yog’lardan ko’ra ochlik hissini ketkazadi.

*Kletchatka ham to’qlik hissini beradi.

Bunday mahsulotlarni ko’proq iste’mol qilishdan qo’rqmasangiz bo’ladi, semirtirmaydi.

Kartoshka tarkibida uglevodlar mavjud bo’lganligi uchun ko’pchilik ozmoqchi bo’lganlar uni iste’mol qilishdan cho’chiydilar. Ammo bu noto’g’ri, chunki u vitaminlar, kletchatka va ozishga yordam beruvchi boshqa ozuqa moddalariga boydir.

Tuxumlar ham katta miqdorda ozuqaviy moddalarga ega. Uning tarkibida katta miqdorda oqsil hamda 9 ta aminokislota bor.

Ertalabki nonushtaga tuxum yeganlar to’q yuradilar va kun davomida kamroq kaloriya iste’mol qiladilar.

To’yimlilik indeksi bo’yicha suli (ovsyanka) 3-o’rinda. U kletchatkaga boy va suvni shimib olish xususiyatiga ega. 

Ba’zilar suyuq ovqatni quyuq ovqatdan ko’ra to’yimsizroq, deb hisoblaydilar. Biroq tadqiqotlarning ko’rsatishicha, suyuq ovqat quyuq ovqatga qaraganda to’yimliroq hisoblanar ekan. 

Mevalar – sog’lom diyetaning muhim qismidir. Jumladan, olmalar yuqori darajadagi to’yimlilik indeksiga ega. Olmada pektin moddasi mavjud bo’lib, u hazm qilish jarayonini sekinlashtirib, to’qlik hissini beradi. 

Baliq omega-3 yog’ kislotasiga boy bo’lib, to’qlik hissini yaxshi beradi. U shuningdek, yuqori sifatli oqsilga ega. Oqsilli mahsulotlar ichida to’qlik indeksi bo’yicha baliq ikkinchi o’rinda turadi.

Tvorog kaloriyasi kam, u ko’p miqdorda oqsilga ega. Tvorog shuningdek, vitamin B, kaltsiy, fosfor va selen kabi ozuqaviy moddalarga boy, shuning uchun u yaxshi parhez taomi hisoblanadi.

Sabzavotlar kam kaloriyali, biroq katta hajm beradi. Sabzavotlarda to’yimli moddalar, o’simlik birikmalari mavjud. Bulardan tashqari ularda oshqozonni to’ldirishga yordam beruvchi ko’p miqdorda tola va suv bor.