Dunyodagi eng qimmat to‘y liboslari

Ayrim to‘y ko‘ylaklarining narxi haddan tashqari qimmat bo‘lib, misol uchun AQSHda sifatli to‘y ko‘ylagi harid qilish uchun eng kamida 1250 dollar sarflashga to‘g‘ri keladi. Dizaynerlar tomonidan ishlab chiqariladigan yagona nusxadagi ko‘ylaklar qiymati esa katta shaharlar markazidagi bitta uyning narxi bilan teng bo‘lishi mumkin. Odatda bu kabi qimmatbaho ko‘ylaklar yulduzlar va mashhur shaxslar tomonidan kiyiladi. Ushbu maqolamiz orqali dunyodagi eng qimmatbaho to‘y ko‘ylaklari bilan tanishishingiz mumkin.

Malika Diananing to'y ko‘ylagini turli reytinglar tarkibida uchratish mumkin. U taniqli liboslar dizayneri Devidning ijodi bilan juda yaxshi tanish bo‘lgan. Saroydagi zodagonlar esa Diananing uslubini o‘zlariga moslashtirish uchun qo‘ldan kelgancha harakat qilganlar. Uning to‘y ko‘ylagi shleyfi 8 metrni tashkil etgan, libosga 1000 dan ortiq marvaridlar bilan bezak berilgan. Bundan tashqari, unda to‘rli tasmalarni ham ko‘rish mumkin edi. Dizaynerlar ushbu ko‘ylakning unutilmas bo‘lishi uchun qo‘ldan kelgancha harakat qilganlar. To‘y marosimi qirollik oilasi uchun juda qimmatga tushgan, shu sababli ham marosimni "Asr to‘yi" deya ataganlar. 

Melaniya Knauss va Donald Trampning nikoh to‘ylariuchun tayyorlangan ko‘ylak taniqli Dior brendi tomonidan yaratilgan edi. Ko‘ylak utsida Jon Galyanoning shaxsan o‘zi ishlagan. Ushbu libosni yaratish uchun haddan tashqari ko‘p mato kerak bo‘lgani aniq. Uni oq rangli shoyi matosidan tikkan bo‘lsalar, ustki qismiga 1500 ta strazlar va dunyodagi eng chiroyli marvarid toshlari bilan bezak berishgan. Libosni tayyor holatga keltirish uchun dizaynerdan 550 soatlik mehnat talab qilingan. Barcha ishlar qo‘l mehnati yordamida amalga oshirilgan. Melaniyaning to‘y ko‘ylagi shunchalar og‘ir bo‘lganki, uning yordamida harakatlanishning o‘zi katta muammoga aylangan edi. 

Amal Alamuddinning nikoh libosi juftlikning shaxsiy buyurtmasiga ko‘ra ishlangan. 52 yoshli Jorj Kluni va uning go‘zal yori to‘yni kuz faslida o‘tkazishga qaror qilganlar, shunga qaramay Amal o‘zi uchun haqiqatan ajoyib libos tanlay olgan. Libosni yaratish uchun juda ko‘p vaqt va pul sarf etilgan, jarayonning barcha bosqichlari qo‘l mehnati yordamida amalga oshirilgan. Aytishlaricha, uni tikish ishlari iyul oyida boshlangan. Ko‘ylak uchun 30 metr to‘r tasma va 15 metr tyul kerak bo‘lgan. Libosning ustki qismiga yaltiroq strazlar va marvaridlar tikib chiqilgan. To‘y ko‘ylagi haddan tashqari uzun bo‘lgani esa kelinchakning bemalol harakatlanishi uchun halal bergan deyishadi. Ammo, go‘zallikning qurbonlik talab qilinishi ham unutmaslik kerak!

Keyt Middltonning nikoh libosi Aleksandr Makkuin tomonidan tikilgan bo‘lib, uning ustki qismida gullar, kashtalar ko‘zga tashlangan. Ushbu bezaklar Buyuk Britaniyaning timsoli hisoblanadi. To‘y ko‘ylagining bichimi yetarlicha oddiy va klassik uslubda bo‘lgan. Dizaynerning sharofati bilan ko‘ylakning shoyi tyuli ko‘ylakka hajm berib turgan. Aksariyat ekspertlar nikoh ko‘ylagining yoqa va yeng sohalari gertsoginya Greys Kelli libosiga o‘xshashini aytadilar.

Xadija Gutseriyevaning to‘y libosi maxsus buyurtma asosida fransuz chevarlari va dizaynerlari tomonidan yaratilgan. Ko‘ylakning yubka qismi o‘ta xajmdor bo‘lib, unga qimmatbaho toshlar bilan bezak berilgan. Har bir bezak ko‘ylakka qo‘l mehnati yordamida biriktirib qo‘yilgan. Aytish kerakki, ko‘ylak ustida to‘r tasmalar ham bo‘lgan va ularning barchasi shaffof ko‘rinishga ega sanalgan. Shleyf qismi o‘ta uzun bo‘lib, uni bir nechta qizlar birgalikda ko‘tarib yurishgan.

Kim Kardashyanning 2014 yilda o‘tkazilgan to‘y marosimi uchun yaratilgan ko‘ylak Givenchy modalar uyi tomonidan ishlangan. Ko‘ylak to‘r bezaklaridan iborat bo‘lib, orqa qismi o‘ta uzun edi. Bunday noodatiy obrazni 3 metli fata to‘ldirib turgan. Fatani tayyorlash ishlari bilan esa Kimning tanlagan yori Rikardoning do‘sti bo‘lmish taniqli dizayner shug‘ullangan.

Ushbu to‘y ko‘ylagi zamonamizning eng mashhur nikoh liboslaridan biri sanaladi. Vera Vong odatda kelinchaklar uchun nafis, jozibador va hashamatli to‘y ko‘ylaklarini yaratish bilan shug‘ulalanadi. Uning aytishicha, har bir qiz o‘z to‘yida haqiqiy malikalar kabi ko‘rinishda bo‘lishi kerak. Tovus patlaridan yaratilgan ko‘ylak esa uning o‘ziga xos g‘oyasi asosida amalga oshirilgan.

Ginza Tanaka tomonidan yaratilgan mazkur libos marvarid va olmoslar bilan bezatilgan. To‘y ko‘ylagi oq rangli oltin va aynan shu rangdagi shoyidan ishlangan bo'lib, qimmatbaho toshlar  bilan bezatilgan. Barcha jarayonlar qo‘l mehnati yordamida amalga oshirilgan.

Yumi Katsura tomonidan yaratilgan oltinli ko‘ylakning asosiy matosi yupqa shoyi va atlas hisoblanadi. Libos yapon dizayneri tomonidan ijod etilgan bo‘lib, ko‘ylakni shu kunga qadar biror xaridor sotib olmagan. Sababi u dunyodagi eng qimmatbaho to‘y ko‘ylaklarining biri sanaladi. Ko‘ylakka kamyob toshlar va qo‘lbola kashtalar bilan bezak berilgan. Shuningdek, libosga 1000 ta marvarid, kamyob 5 karatli olmoslar tikib chiqilgan. 

Ushbu libos dunyodagi eng qimmat to‘y ko‘ylagi hisoblanadi va u dizayner Rene Shtrauss tomonidan yaratilgan. U bugungi kunda zamonamizning eng qimmatbaho libosi bo‘lib turibdi. Loyiha ustida ishlagan Martin Kats libosni 1000 dan ortiq olmoslar bilan bezatgan.